Google ADS

Tjetër kandidat serioz për zëvendësimin e Ole Gunnar Solskjaer

23:40 | 13 Nëntor 2021
Lorik Gerbeshi

Një tjetër kandidat del në skenë për zëvendësimin e Ole Gunnar Solskjaer, sigurisht nëse drejtuesit e Manchester united vendosin ta shkarkojnë norvegjezin.

Siç raporton “Daily Mail”, trajneri aktual i Leicester City, Brendan Rodgers është favorit për stolin e “Djajve të Kuq”, nëse do të ketë ndryshim në pankinë.

Mësohet se drejtuesit e United kanë kontaktuar një menaxher për të testuar kandidatët e mundshëm.

Në listën, nga e cila doli Conte (tashmë pjesë e Tottenham) dhe ku janë edhe emrat e Ten Hag dhe Zidane (sipas shtypit anglez mbeten opsione të vështira), Rodgers shfaqet si kandidati më i mundshëm.

Pas disa rezultateve të dobëta, po shtohen zërat për largimin e Solskjaer, por klubi ende nuk ka marrë vendimin për shkarkimin e Norvegjezit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm